Qëllimi i projektit ishte të ofronte mbështetje për gratë sipërmarrëse të cilat kanë nevojë për transformim dixhital të biznesit, mbështetje në mbulimin e pagës deri në katër muaj për dy punëtorë, si dhe mbështetje në pagesën e qirasë deri në katërmuaj. Pas përzgjedhjes së bizneseve të cilat ishin mbështetur është bërë një vlerësim i gjendjes ekzistuese dhe janë dhënë rekomandimet për nevojat specifike. Ndihma është ofruar në transformimin dixhital të bizneseve në fushat: a) Marketing, b) Eksport, c) Përdorim të rrjeteve sociale dhe d) Shitje online.