Objektivi kryesor i projektit është kryerja e një ankete mbi kënaqësinë e qytetarëve me shërbimet komunale në Kosovë. Kjo do të arrihet përmes anketës që do të bëhet në të 38 komunat e Kosovës përmes intervistave ballë për ballë me qytetarët. Ky studim do të fokusohet në a) kënaqësinë e qytetarëve me ofrimin e shërbimeve publike; b) kënaqësinë me punën e kryetarëve të komunave dhe kuvendeve komunale; dhe, c) reagimin e autoriteteve vendore ndaj nevojave dhe kërkesave të qytetarëve. Madhësia e kampionimit për këtë anketë është 1,066 të anketuar dhe siguron përfshirjen e një përzgjedhjeje përfaqësuese të të anketuarve/qytetarëve, dhe përfshin grupmosha të ndryshme, përfaqësim të barabartë të grave dhe burrave, komunitetet shumicë dhe joshumicë, duke përfshirë mostrën përfaqësuese për komunë. Gjithashtu, projekti do të përfshijë katër fokus grupe, deri në 15 pjesëmarrës.