Objektivi kryesor i këtij projekti 2 vjeçar të financuar nga Zyra e BE-së në Kosovë, ka qenë fuqizimi i kapaciteteve të institucioneve të qeverisë qendrore dhe shoqatave biznesore dhe të fermerëve, që të participojnë në mënyrë proaktive, si dhe të kontribuojnë në zhvillimin e përgjithshëm rajonal ekonomik, rritjen dhe gjenerimin e vendeve të punës në Kosovë. Përgjatë projektit, janë implementuar ky numër aktivitetesh: a) 2 cikle ligjëratash dhe trajnimesh; b) krijimi i 2 Njësive për Menaxhim Projektesh (PDMU), me qëllim të Rishikimit të Projekteve Rajonale; c) organizimin e 2 konferencave; d) financimin e 10 Projekteve të Vogla, secila në vlerë 10.000 euro.