Ky projekt është implementuar nga Instituti Riinvest, përkatësisht Zyra për Komunikim me Publikun, e themeluar brenda Riinvestit. Objektivi kryesor i këtij projekti ka qenë përmirësimi i aftësive komunikuese dhe avokuese, në veçanti prezenca në media të komunikimit masiv dhe elektronik, përmes mjeteve moderne të komunikimit dhe avokimit. Përmes një periudhe 2 vjeçare, Riinvest ka arritur të themelojë Zyrën për Marrëdhënie me Publikun, përgjegjëse për menaxhimin e komunikimit me media, gazetarë, hulumtues, studentë dhe të tjerë të interesuar, si dhe të rrisë prezencën në mediat e komunikimit masiv dhe atyre elektronike. Ky projekt, ka prodhuar Platformën Elektronike të Shpërndarjes së të Dhënave, e cila përmban të dhëna të ndërmarrjeve të vogla dhe të mesme në Kosovë, të mbledhura nga ekipet e Riinvestit gjatë periudhës 2000-2013. Po ashtu, është lansuar seria e animacioneve e quajtuar “Projektet e mëdha të qeverisë në 1 minutë”, ku katër studime rreth investimeve kapitale të realizuara nga Riinvesti janë prezantuar në një formë të animuar. Aktivite tjera të këtij projekti përfshijnë, krijimin e Aplikacionit për Mobil të Institutit Riinvest, për sistemet operuese iOS dhe Android, duke përfshirë kalkulatorë të ndryshëm ekonomik, zhvillimin dhe lansimin e ueb-faqes së re, dhe krijimin e Dhomës së Mediave të Riinvestit.