Veriu i Kosovës – Ngritja e konkurueshmërisë dhe kapaciteteve zhvillimore
Projekti është implementuar nga “Regional Enviromental Center” dhe Instituti Riinvest. Qëllimi kryesor i projektit ka qenë mbështetja ndaj gjenerimit të punësimit; zhvillimit biznesor dhe ekonomik; dhe ngritja e potencialeve dhe konkurueshmërisë së biznesve dhe agjentëve zhvillimorë në Veri të Kosovës, në mënyrë që të përmirësohet perspektiva e ardhshme, siguria e vendit të punës dhe si rrjedhojë ngritja e standardit të jetesës së qytetarëve të atij rajoni. Ekipi i Riinvestit ka qenë përgjegjës për organizimin e anketës me 125 biznese në katër komunat e Veriut, duke realizuar hulumtim sekondar dhe duke shkruar raport të detajuar mbi Potencialet Ekonomike në Veri të Kosovës. Për më shumë, Riinvesti ka organizuar trajnim për ndërtim kapacitetesh për 30 biznese, dhe 15 zyrtar publik dhe Organizata të Shoqërisë Civile. Pas trajnimeve të ndërtimit të kapaciteteve, dhe rezultateve të studimit, të dy partnerët kanë organizuar një punëtori, qëllimi kryesor i së cilës ka qenë vlerësimi i rezultateve të studimit; krijimi i një vizioni për lokalitetin; identifikimi i fushave prioritare; zhvillimi i pilot-projektit; dhe përpilimi i Strategjisë Zhvillimore.