Aktualisht është kryetar i Bordit Drejtues i Institutit “Riinvest”, Sejdi Osmani është njëri prej themeluesve të Institutit. Ka qenë i angazhuar në pozita drejtuese dhe menaxher i shumë projekteve të Institutit: Drejtor ekzekutiv i Institutit “Riinvest” (2004-2009); Drejtor administrativ i Institutit “Riinvest” (2001-2004); menaxher i disa projekteve në fushën e zhvillimit ekonomik lokal; koordinator projektesh, pjesëtar i ekipeve i shumë projekteve hulumtuese. Është autor i rreth 20 artikujve lidhur me politikën fiskale dhe sistemin e taksave, autor i një sërë punimeve në fushën e administratës publike, privatizimit, qeverisjes korporative, administratës lokale dhe shërbimeve publike. Ka një përvojë të gjatë në fushën e publikimeve: Kryeredaktor i revistës javore për të rinj “Zëri i Rinisë” (1978-1982); redaktor i më se 30 botimeve dhe autor dhe bashkautor i afro 30 raporteve hulumtuese të Institutit “Riinvest”. Ka marrë pjesë në një sërë konferencash vendore dhe ndërkombëtare.

Prof.Selman Selmanaj është bashkëpunëtor që nga themelimi i Institutit Riinvest. Ai ka mbajtur pozitën e kryetarit të parë të Këshillit Shkencor të Institutit Riinvest. Pas një periudhe shumë vjeçare është rikthyer në cilësinë e anëtarit të bordit në vitin 2016 dhe vazhdon të jetë anëtar i Bordit të institutit Riinvest edhe për një mandat. Prof. Selmanaj ka përfunduar studimet themelore në fushën e ekonomisë në Fakultetin Ekonomik në Prishtinës, ndërsa studimet e Magjistraturës në Universitetin e Beogradit, kurse ato të Doktoratës në Universitetin e Zagrebit në vitin 1978. Prof. Selmanaj ka publikuar afro 100 punime shkencore, profesionale dhe tri tekste universitare.

Z. Valentin Toçi, ka diplomuar në Fakultetin Ekonomik, Universiteti i Prishtinës. Titullin M.A. dhe Ph.D. në Ekonomi e mori në Staffordshire University. Ishte Krye ekonomist i Bankës Qendrore të Republikës së Kosovës dhe redaktor i publikimeve periodike dhe jo periodike të Bankës Qendrore. Ai poashtu ishte Kryetar i Bordit të Drejtorëve të Bankës Ekonomike sh.a., Kryetar i Bordit të Drejtorëve të kompanisë së sigurimeve ‘Siguria’ sh.a. dhe Këshilltar për Çështje Ekonomike i Kryeministrit. Valentin Toçi ka publikuar një varg punimesh shkencore dhe ka marrë pjesë në konferenca të shumta. Ai ishte gjithashtu bursist i Fulbright-it në New York University-Stern School of Business. Valentin Toçi është Profesor i ekonomisë në Universitetin e Prishtinës ‘Hasan Prishtina’. Valentini është emëruar anëtar i bordit të institutit Riinvest në Mars 2020 me mandat 4 vjeçar.

Z.Petrit Gashi ka përfunduar studimet bazike në Fakultetin Ekonomik, Universiteti i Prishtinës. Ka doktoruar në Universitetin Staffordshire, Britani e Madhe, në fushën e tregtisë të jashtme. Z. Gashi është profesor i asociuar në Fakultetin Ekonomik, Universiteti i Prishtinës ku ligjëron lëndët Tregti Ndërkombëtare, Ekonomiksi i Tranzicionit, dhe Biznes Ndërkombëtar. Punimet e tij janë publikuar në: Small Business Economics, Applied Economics, Global Trade and Customs Journal, Croatian Economic Survey, Eastern European Economics dhe të tjera. Një pjesë e punës së tij kërkimore gjithashtu është përfshirë në publikimet në vend. Z. Gashi është bursist i Fondacionit Fulbright. Petriti është emëruar anëtar i bordit të institutit Riinvest në Mars 2020 me mandat 4 vjeçar.

Z.Isuf Berisha është bashkëpunëtor i vjetër në Institutin Riinvest. Z. Berisha ka doktoruar në Filozofi Politike në Universitetin e Zagrebit. Ai ka punuar si gazetar (1982-1995), zyrtar për zhvillimin e mediave (1996-2005), shef i Rregullatorit të mediave (2006-2007) dhe studiues dhe trajner i mediave (2005–2010) në Kosovë, dhe poashtu, i angazhuar në disa projekte me shoqërinë civile. Ka qenë udhëheqës i Zyrës për cilësi dhe ligjërues i lartë në Kolegjin Riinvest. Isuf Berisha është ri emëruar anëtar i Bordit të Institutit Riinvest në mandatin e dytë në Mars të vitit 2020

Znj Mimoza Godanci – Aliu aktualisht mban pozitën e Kryeshefes Ekzekutive në BPB. Znj. Godanci-Aliu që nga viti 1999 është e angazhuar në sektorin bankar në rajon dhe Bashkimin Evropian. Ndër të tjera ajo ka mbajtur postet e Zëvendës Drejtoreshës Ekzekutive në bankat e grupit ProCredit ne Shqipëri, Kosovë, dhe Maqedoni te Veriut. Ms. Godanci-Aliu ishte e angazhuar si trajnere ne Akademite e grupit Procredit, duke kontribuar edhe si udheheqese e Akademisë ProCredit për Evropën Lindore. Pertej angazhimit ne bankimin tradicional, Znj.Godanci-Aliu ka dhene kontributin e saj edhe ne zhvillimin e neo-bankimit si Menaxhere Projekti në Institucionin financiar OneFor, duke perfituar keshtu nje njohuri praktike per sistemin e pagesave ne Bashkimin Evropian. Znj. Godanci-Aliu është angazhuar në vazhdimësi në fuqizimin e rolit të gruas në biznes, si me shembullin që ka dhënë ashtu edhe si një nga themelueset e Odës Ekonomike te Grave ne Kosove. Znj. Mimoza Godanci-Aliu ka mbaruar studimet per ekonomi në Universitetin e Prishtinës dhe nivelin master në Universitetin Staffordshire, në Britaninë e Madhe.

Znj.Gresa Latifi ka doktoruar në Universitetin Politeknik të Milanos në fushën e Ekonomiksit dhe Ingjinieringut menaxherial. Titulli i tezës së doktoratës së saj është “Venture Capital and Institutions”. Studimet master i ka mbaruar ne Friedrich Schiller University Jena, përderisa studimet themelore (Bachelor) i ka mbaruar në Faklutein Ekonomik të Universitetit të Prishtinës. Aktualisht ajo është Postdoktorante pranë Universitetit Teknik të Mynihut ku edhe ligjëron lëndën “Advanced Technology and Innovation Management”. Është bashkautore në vëllime të ndryshme librash dhe pjesëmarrëse e rregullt në konferenca ndërkombëtare. Punimet e saj janë publikuar në: Journal Economic Survey dhe shtëpia botuese Springer.

Znj.Gresa  është emëruar anëtare e bordit të Institutit Riinvest në Mars 2020 me mandat 4 vjeçar.